தொடர் விடுமுறை… தமிழகம் முழுவதும் சிறப்பு பேருந்துகள் அறிவிப்பு..!

நாளை தைப்பூசம், நாளை மறுநாள் (26.01.2024) குடியரசு தினம் மற்றும் சனி, ஞாயிறு தொடர் 4 நாட்கள் விடுமுறை காரணமாக மக்கள் அனைவரும் அவர்களின் சொந்த ஊர் மற்றும் சுற்றுலா தலங்கள் செல்வார்கள். இதன் காரணமாக தமிழகம் முழுவதும் சிறப்பு பேருந்துகள் இயக்கப்படும் என அறிவிக்கப்பட்டுள்ளது.

தை மாதத்தில் பூசம் நட்சத்திரம் மற்றும் பௌர்ணமியும் ஒன்றாக சேர்ந்து வரும் நாள் தான் தைப்பூசமாக கொண்டப்படுகிறது. இந்த திருநாள் முருகனுக்கு மிகவும் உகந்த நாளாக கூறப்படுகிறது. இந்த வருடம் தைப்பூசம் ஆனது நாளை கொண்டாடப்பட உள்ளது இதன் காரணமாக தமிழகத்தில் உள்ள அனைத்து முருகன் கோவில்களிலும் பக்தர்களின் கூட்டம் அதிகமாக இருக்கும்.

தைப்பூசத்தை தொடர்ந்து நாளை மறுநாள் குடியரசு தினம் அதன் பிறகு சனி மற்றும் ஞாயிறு தொடர் விடுமுறை வருகிறது. இதன் காரணமாக முருகன் பக்தர்கள் மற்றும் பொதுமக்கள் கோவில்களுக்கும் சுற்றுலா இடங்களுக்கும் செல்வார்கள். இதனால் தமிழகத்தின் அனைத்து பகுதிகளுக்கும் 580 சிறப்பு பேருந்துகளை (thaipusam special buses 2024) இயக்க உள்ளதாக தகவல் தெரிவிக்கப்பட்டுள்ளது.

சென்னையில் இருந்து தமிழகத்தின் முக்கிய இடங்களுக்கு தினசரி இயக்கக்கூடிய பேருந்துகளுடன் இன்றும், நாளையும் கூடுதலாக பேருந்துகள் இயக்கப்பட உள்ளன. மேலும் கோவை, திருநெல்வேலி, மதுரை, திருச்சி, சேலம் போன்ற இடங்களிலிருந்து முக்கிய இடங்களுக்கும் மற்றும் பெங்களூரில் இருந்து பிற இடங்களுக்கும் 175 சிறப்பு பேருந்துகள் இயக்கப்பட உள்ளன. ஆக மொத்தம் தமிழக்தில் 580 சிறப்புப் (thaipusam sirappu perunthu 2024) பேருந்துகள் இயக்க திட்டமிடப்பட்டுள்ளது.

அதேபோல் விடுமுறைகள் முடிந்து வரும் ஞாயிற்க்கிழமை மக்கள் சென்னை மற்றும் பெங்களூர் திரும்புவதற்காக பயணிகளின் தேவைக்கு ஏற்றார்போல் சிறப்பு பேருந்துகள் இயக்கப்படும் எனவும் தெரிவிக்கப்பட்டுள்ளது.