மோனாலிசா ஓவியத்தை சேதப்படுத்த முயற்சி..! பிரான்சில் பரபரப்பு..!

உலகின் புகழ்பெற்ற கலைப்படைப்புகளில் ஒன்று தான் மோனாலிசா ஓவியம். இந்த ஓவியம் பல வருடங்களாக பாதுகாக்கப்பட்டு வருகிறது. இந்த ஓவியமானது பிரான்சில் உள்ள லூவ்ரே என்னும் அருங்காட்சியகத்தில் வைக்கப்பட்டுள்ளது. இந்த ஓவியத்தை லியோனார்டோ டா வின்சி என்னும் ஓவியர் தான் உருவாக்கினார்.

இந்த மோனாலிசா ஓவியமானது (Monalisa Painting) பொப்லார் என்னும் வகையான பலகையில் வரையப்பட்ட ஓவியம் ஆகும். மேலும் இது 16-ம் நூற்றாண்டைச் சேர்ந்த ஒரு எண்ணெய் வண்ண ஓவியம்(Oil Painting) ஆகும். இது ஓவியம் உலகின் புகழ் பெற்ற ஓவியங்களில் ஒன்றாகவும் உள்ளது. இந்த ஓவியமானது பிரான்ஸ் அரசுக்குச் சொந்தமானது.

இந்த ஓவியமானது பிரான்சிஸ்கோ டெல் கியோகாண்டோ என்பவரின் மனைவியான லிசா கிரர்த்தினியின் உருவப்படம் என்றும் மேலும் இது கிபி. 1503 மற்றும் 1506 ஆகிய ஆண்டுகளுக்கு இடையே வரையப்பட்டு இருக்கலாம் என்றும் நம்பப்படுகிறது.

லியோனார்டோ டா வின்சியின் இந்த புகழ்பெற்ற மோனாலிசா ஓவியமானது அடையாளம் தெரியாத நபர்களால் சேதப்படுத்தப்பட இருந்தது. இந்த ஓவியத்தின் மீது சூப்பால் தாக்குதல் (Monalisa Painting Soup Attack) நடத்தப்பட்டுள்ளது.

இந்த தாக்குதலில் (Monalisa Painting Attack) உணவுப் பாதுகாப்பு தொடர்பான கோஷங்களை எழுப்பிய படி அடையாளம் தெரியாத இரண்டு நபர்கள், மோனாலிசா ஓவியத்தின் மீது சூப்பை வீசியுள்ளனர். ஆனால் குண்டு துளைக்காத கண்ணாடிக்குள் இந்த ஓவியம் இருப்பதால் சேதம் அடையவில்லை என்று தெரிவிக்கப்பட்டுள்ளது. இந்த சம்பவத்தின் காரணமாக, அருங்காட்சியகத்தில் உள்ள பாதுகாவலர்களால் இந்த மோனாலிசா ஓவியம் வைக்கப்பட்டிருந்த இடமானது கருப்பு நிற திரைகளால் பூட்டப்பட்டதாகவும் சர்வதேச அளவிலான ஊடகங்கள் செய்திகளை வெளியிட்டுள்ளது.