பொங்கல் போட்டியில் வென்றது எந்த படம்..! இந்த ட்விஸ்ட்டை யாரும் எதிர்பாக்கலையே..!

வருடாவருடம் பொங்கலுக்கு பல படங்கள் வெளியாவது வழக்கம் தான். அதிலும் பிரபலாமான நடிகர்களின் படங்கள் வெளியாவது சாதாரணமாக மாறிவிட்டது. ஆனால் ஒரே நாளில் வெளியாகும் படங்களுக்கிடையேயான போட்டியானது இன்னும் தொடர்ந்து கொண்டே தான் உள்ளது.

ஆம் நம் தமிழ்நாட்டில் இதுபோன்ற பண்டிகைகளுக்கு வெளியாகும் படங்கள் மீதான ஆர்வம் என்பது மிக அதிகம். அதிலும் பிரபலமான முன்னனி நடிகர்களின் படங்கள் என்றால் அதன் மீதான எதிர்ப்பார்ப்பு இன்னும் அதிகமாகிவிடுகிறது. இதுபோல தான் இந்த வருடம் பொங்கல் பண்டிகைக்கு (Pongal Race) தமிழ் சினிமாவின் முன்னனி நடிகர்களாக தனுஷ் மற்றும் சிவகார்த்திகேயன் ஆகியவர்களின் படங்கள் ஒரே நாளில் வெளியானது.

இரண்டு நடிகர்களுக்கும் தனி ரசிகர் பட்டாளமே உள்ளது என்பது நாம் அறிந்த ஒன்றே. இந்நிலையில் இந்த படங்களில் ரிலீஸ் திருவிழாப் போல் பல இடங்களில் கொண்டாடப்பட்டது. இந்த திரைப்படங்கள் வெளியான நாள் முதலே எந்த படம் விமர்சனம் மற்றும் வசூல் ரீதியாக வெற்றிப்பெறப் போகிறது என்ற ஆர்வம் அனைவரிடமும் இருந்து தான் வந்தது. ஆனால் இந்த போட்டியில் தனுஷ் படமான கேப்டன் மில்லர் வசூல் தான் அதிகம் இருக்கும் என்றும் இப்படம் தான் வெற்றிபெறும் என்று பலராலும் கூறப்பட்டது.

இந்நிலையில் தான் தற்போது இந்த படங்களின் வசூல் குறித்த தகவல் வெளியாகியுள்ளது. இந்த தகவல் ரசிகர்கள் மத்தியில் பெரும் எதிர்ப்பார்ப்பை ஏற்ப்படுத்தியுள்ளது. பொங்கல் ரிலீஸாக அயலான், கேப்டன் மில்லர், மிஷன் மற்றும் மெர்ரி கிறிஸ்துமஸ் என 4 படங்கள் வெளியாகின. மக்கள் மத்தியில் நல்ல விமர்சனங்களையும் பெற்றது.

வெளியான நாள் முதலே எந்த படம் அதிக வசூல் பெறப்போகிறது என்ற எதிர்ப்பார்ப்பு அனைவரிடமும் இருந்தது. இந்நிலையில் தற்போது அயலான் மற்றும் கேப்டன் மில்லர் ஆகிய படங்கள் வெளியாகி 10 நாட்கள் ஆகிவிட்டன. மேலும் பொங்கல் விடுமுறை முடிந்த பிறகு அயலான் படத்துக்கு திரையரங்குகளில் அதிகமான ஸ்க்ரீன்கள் ஒதுக்கப்பட்டன. எனவே இப்படத்தின் வசூல் (Ayalaan Box Office Collection) தொடர்ந்து அதிகரித்தது.

இந்நிலையில் விடுமுறை நாளான நேற்று (21.01.2024) அயலான் திரைப்படம் 2.5 கோடி ரூபாய் வரை வசூல் செய்துள்ளது. இதோடு சேர்தது ஒட்டுமொத்தமாக அயலான் படம் இதுவரை 70 கோடிக்கு அதிகமாக கலெக்‌ஷன் செய்துள்ளதாக கூறப்படுகிறது.

இதேபோல நேற்று ஞாயிற்று கிழமை கேப்டன் மில்லர் படத்தின் வசூல் (Caption Miller Box Office Collection) 1 கோடி ரூபாய் என்று தகவல்கள் வெளியாகியுள்ளது. மேலும் இதுவரை ஒட்டுமொத்தமாக கடந்த 10 நாட்களில் இப்படத்தின் வசூல் 50 கோடி வரை இருக்கும் என பாக்ஸ் ஆபிஸ் வட்டாரங்கள் தெரிவிக்கின்றன.

இதையும் படியுங்கள்: Ayalaan Box Office Collection: வசூலில் பட்டைய கிளப்பும் அயலான்..!

இந்த தகவல்கள் மூலம் பலரும் எதிர்ப்பார்க்காத வகையில் கேப்டன் மில்லர் படத்தை விட அயலான் இந்தாண்டுக்கான பொங்கல் போட்டியில் (Pongal Race) வெற்றிபெற்று சாதனை படைத்துள்ளது. இதுபோல விமர்சனம் ரீதியாக அருண் விஜய் நடிப்பில் வெளியான மிஷன் திரைப்படம் மற்றும் விஜய் சேதுபதியின் மெர்ரி கிறிஸ்துமஸ் ஆகிய படங்களும் அதிக கவனத்தை ஈர்த்துள்ளன.

அருண் விஜய்யின் மிஷன் திரைப்படம் முதல் வார முடிவில் உலகம் முழுவதும் 23 கோடி வசூல் செய்துள்ளதாக தகவல் வெளயாகியுள்ளது. மேலும் விஜய் சேதுபதியின் மெர்ரி கிறிஸ்துமஸ் திரைப்படம் உலகம் முழுவதும் 16 கோடி வரை வசூல் செய்துள்ளதாக தகவல் வெளியாகியுள்ளது.

இதையும் படியுங்கள்: Ayalaan Movie Review in Tamil..!அயலான் திரைப்படத்தின் விமர்சனம்..!