இந்திய அளவில் அதிக அளவில் ரசிகர்களை கொண்ட ஐபிஎல் தொடரில் நாளை தொடங்க உள்ளது. இந்த போட்டியை காண பல ரசிகர்களும் ஆவலுடன் உள்ளனர். இந்த வருட ஐபிஎல் சீசன் (IPL 2024) 17-வது சீசன் ஆகும். இந்த சீசனில் முதல் போட்டியில் சென்னை சூப்பர் கிங்க்ஸ் அணியும் ராயல் சேலஞ்சர்ஸ் பெங்களூரு அணியும் மோதுகின்றன.
இந்த போட்டியானது சென்னை சேப்பாக்கத்தில் உள்ள எம்.ஏ.சிதம்பரம் மைதானத்தில் நடைபெற உள்ளது. இந்த போட்டியில் எம்.எஸ். தோனி (MS Dhoni) தலைமையிலான சென்னை சூப்பர் கிங்க்ஸ் அணியும் ஃபாஃப் டூ பிளசிஸ் (Faf du Plessis) தலைமையிலான ராயல் சேலஞ்சர்ஸ் பெங்களூரு அணியும் மோதவுள்ளன. இந்த போட்டி நாளை இரவு சென்னை சேப்பாக்கம் மைதானத்தில் நடைபெறவுள்ளது. மேலும் இந்த சீனனில் முதல் போட்டி என்பதாலும் இது சென்னை அணியின் போட்டி என்பதாலும் இந்த போட்டியை காண பல லட்சம் ரசிகர்கள் ஆர்வமுடன் காத்துக்கொண்டிருக்கின்றனர்.
இந்த போட்டிகளுக்கு எப்போது டிக்கெட்டுகள் நேரில் தான் விற்கப்படும். ஆனால் இந்த வருடம் ஐபிஎல் டிக்கெட்டுகள் முதல் முறையாக ஆன்லைனில் விற்கப்படுகிறது. இந்த நிலையில் தான் CSK vs RCB அணிகளுக்கு இடையே நடக்கும் போட்டிக்கான டிக்கெட்டுகளும் ஆன்லைன் மூலம் விற்கப்பட்டது. இதற்கான முன்பதிவு கடந்த திங்கட்கிழமை (மார்ச் 18) அன்று தொடங்கியது.
இந்த போட்டிகளுக்கான டிக்கெட்டுகள் ரூ.1,700 ரூபாயில் இருந்து தொடங்கி ரூ.7,500 வரை விலை நிர்ணயம் செய்யப்பட்டு இருந்தது. இதைனை தொடர்ந்து கடந்த இரண்டு நாட்களாகவே பல லட்சம் பேர் இந்த டிக்கெட்டுகளை முன்பதிவு செய்ய முயற்சி செய்து வந்தனர். ஆனால் பலருக்கு டிக்கெட்கள் கிடைக்கவில்லை. அனைத்து விக்கெட்டுகளும் வித்து தீர்ந்தது.
இந்நிலையில் தான் தற்போது இந்த CSK Vs RCB போட்டியை காண சென்னை, சேப்பாக்கம் எம்.ஏ.சிதம்பரம் மைதானத்திற்கு வருபவர்களுக்கு இலவச பஸ் பயணம் (IPL 2024 Free Bus Offer in Chennai) அறிவிக்கப்பட்டுள்ளது. இதன் படி மக்கள் தாங்கள் வாங்கிய ஆன்லைன் டிக்கெட்களை காட்டி மாநகரப் பேருந்துகளில் இலவசமாக பயணிக்கலாம் என்றும் போக்குவரத்துத் துறை சார்பில் அறிவிப்பு வெளியாகியுள்ளது.
போக்குவரத்து துறையின் இந்த அறிவிப்பின் படி போட்டி நடைபெறும் 3 மணி நேரத்திற்கு முன்பும், போட்டி முடிந்து 3 மணி நேரத்திற்கு பின்பும் சேப்பாக்கத்தில் இருந்து சென்னையின் பிற இடங்களுக்கு இலவசமாக செல்லலாம் (Free bus to Chepakkam stadium) என்றும் அறிவிக்கப்பட்டுள்ளது. ஆனால் குளிர்சாதனப் பேருந்துகளுக்கு இந்த சலுகை இல்லை எனவும் அறிவிக்கப்பட்டுள்ளது.
| இதையும் படியுங்கள்: பள்ளிகளுக்கு கோடை விடுமுறை பற்றிய அறிவிப்பு..! மகிழ்ச்சியில் மாணவர்கள்..! |
