இந்தியாவின் பரபரப்பான பாதுகாப்பு சூழலில், தற்போது அமிர்தசரஸில் உள்ள பொற்கோயிலின் பாதுகாப்பு தொடர்பான ஒரு பிரச்சனைக்குரிய கருத்து மோதல் நிகழ்ந்துள்ளது. இந்திய விமானப்படையின் வான் பாதுகாப்பு துறை லெப்டினன்ட் ஜெனரல் டி’குன்ஹா மற்றும் பொற்கோயிலின் தலைமை பூசாரி கியானி ரக்பீர் சிங் ஆகியோருக்கிடையில் கருத்து முரண்பாடு ஏற்பட்டுள்ளது.
பஹல்காமில் கடந்த மாதம் நிகழ்ந்த பயங்கரவாத தாக்குதலுக்கு பதிலடியாக “ஆபரேஷன் சிந்தூர்” என்ற பெயரில் இந்தியா, பாகிஸ்தானின் 9 பயங்கரவாத முகாம்களில் தாக்குதல் நடத்தியது. இதில் 100-க்கும் மேற்பட்ட பயங்கரவாதிகள் அகப்பட்டதாக தகவல் வெளியாகியுள்ளது. இதற்கு பதிலாக பாகிஸ்தானும் ட்ரோன் மற்றும் துப்பாக்கி தாக்குதல்களை நடத்தியுள்ளது.
இந்த சூழலில், பொற்கோயிலையும் பாகிஸ்தானின் தாக்குதலுக்கான இலக்காக தேர்வு செய்யபட்டதாகவும், அதனை பாதுகாக்க துப்பாக்கி மற்றும் ட்ரோன் எதிர்ப்பு நடவடிக்கைகள் மேற்கொள்ளப்பட்டதாகவும், லெப்டினன்ட் ஜெனரல் டி’குன்ஹா கூறியிருந்தார். மேலும், இதற்காக பூசாரியிடம் ஒத்துழைப்பு பெற்றோம் என்றும் அவர் கூறியிருந்தார்.
ஆனால் இந்தக் கூற்றை தலைமை பூசாரி கியானி ரக்பீர் சிங் முற்றிலுமாக மறுத்துள்ளார். அவர் கூறுகையில், “பொற்கோயிலின் பாதுகாப்பு குறித்த எந்தவொரு வான் துப்பாக்கியும் அனுமதிக்கப்படவில்லை. எங்களுக்கு எந்த அதிகாரிகளும் அப்படி நேரில் தெரிவிக்கவில்லை. அது உண்மைக்கு புறம்பானது” என்றார்.
இந்த விவகாரம், மதஸ்தல பாதுகாப்பு மற்றும் பாதுகாப்புத் தகவல்களின் தெளிவற்ற அறிவிப்பு தொடர்பாக புதிய கேள்விகளை எழுப்பி வருகிறது. அரசு மற்றும் ராணுவம் இந்த விவகாரத்தில் மேலும் விளக்கம் தருமா என்பதைக் கவனிக்க வேண்டும்.
