அயோத்தி ராமர் கோவில்..! ராமர் சிலையின் முதல் புகைப்படம் வெளியானது..!

உத்திரப்பிரதேசம் மாநிலம் அயோத்தியில் கடந்த 4 வருடத்திற்கு மேலாக ராமர் கோவில் கட்டப்பட்டு வருகிறது. கடந்த 2019-ம் ஆண்டு இந்த கோவிலின் கட்டுமான பணிகள் தொடங்கப்பட்டது. இந்த கோவில் மொத்தம் ரூ. 1800 கோடி செலவில் 57,400 சதுரடியில் பிரம்மாண்டமாக கட்டப்பட்டுள்ளது.

இந்த ராமர் கோவிலானது இதற்கு முன் பாபர் மசூதி இருந்த இடத்தில் கட்டப்பட்டுள்ளது. கடந்த 2019-ம் ஆண்டு இந்த பாபர் மசூதி இடிக்கப்பட்ட வழக்கில் உச்சநீதிமன்றமானது, அந்த இடத்தில் ராமர் கோயில் கட்டும்படி தீர்ப்பளித்தது. மேலும் இக்கோவில் மூன்று அடுக்குகளில் உருவாகி உள்ளது.

தற்போது இந்த ராமர் கோவிலின் கட்டுமான பணிகள் இறுதிகட்டத்தை அடைந்துள்ளது. எனவே வருகின்ற ஜனவரி 22-ம் தேதி இக்கோவிலின் திறப்பு விழா (Ayothi Ramar Temple Opening Date) நடைபெறவுள்ளது.

இந்த திறப்பு விழாவில் நம் இந்திய நாட்டின் பிரதமர் மோடி அவர்கள் கலந்தக்கொள்ள உள்ளார். மேலும் பல பிரபலங்களும் கலந்துக்கொள்ள உள்ளனர். மேலும் இக்கோவில் பாலகன் வடிவில் உள்ள ராமர் சிலை பிரதிஷ்டை செய்யப்படவுள்ளது.

இந்நிலையில் தற்போது இக்கோவிலில் நிறுவப்படவுள்ள ராமர் சிலையில் (Ayothi Ramar Statue) புகைப்படம் வெளியாகியுள்ளது. இந்த சிலை கோவிலின் கருவறை உள்ளே கிரேன் உதவியுடன் வைக்கப்பட்டுள்ளது. அந்த புகைப்படத்தில் கண்கள் மூடப்பட்ட நிலையில் அழகிய ராமர் சிலை உள்ளது. மேலும் கையில் வில் அம்பு எதுவும் இன்றி சாந்தமான தோற்றத்துடன் உள்ளது. இந்த சிலையானது வரும் ஜனவரி 22-ம் தேதி முறைப்படி பிரதிஷ்டை செய்யப்படும் என்று அறிவிக்கப்பட்டு உள்ளது.