Kolam Rangoli: வீட்டு வாசலை அலங்கரிக்கும் வண்ண வண்ண கோலங்கள்..!

February 7, 2024

மற்ற நாடுகளின் கலாச்சாரத்தை ஒப்பிடும்போது தமிழர்களின் கலாசாரமானது மிகவும் பழமையானது மற்றும் பாரம்பரியமானது. முக்கிய நம்முடைய கலாச்சார முறையானது முழுவதுமாக இயற்கையை சார்ந்து தான் இருக்கிறது. மேலும் பழங்காலம் முதலே நம்முடைய வாழ்க்கை முறையும் இயற்கையோடு இயைந்த தாகவே உள்ளது.

இதுமட்டுமின்றி நம் முன்னோர் வகுத்து கடைப்பிடித்த பழக்க வழக்கங்களும் ஆன்மிகம் என்பதை தாண்டி நம் உடல் நலத்திற்கு வலுவூட்டுவதாகவே அமைந்துள்ளன. அப்படி கடைப்பிடிக்கப்பட்ட நடைமுறைகளில் ஒன்று தான் வீட்டின் வாசலில் கோலமிடுவது. பழங்காலம் முதலே தினமும் சூரிய உதயத்திற்கு முன் எழுந்து வாசலில் தண்ணீர் தெளித்து சுத்தப்படுத்தி கோலம் இடுவதால் லட்சுமி கடாட்சம் கிடைக்கும் என்பது இந்துக்களின் நம்பிக்கை.

எனினும் இந்த காலத்தில் உள்ள பெண்களுக்கு இந்த வழக்கங்களை கடைப்பிடிப்பது என்பதில் அவ்வளவு விருப்பம் இல்லை என்றுதான் கூறவேண்டும். அப்படியே இருந்தாலும் இவற்றையெல்லாம் மூட நம்பிக்கை என்று விட்டுவிடுகின்றனர். இந்த வழக்கத்திற்குப் பின் முக்கியமான அறிவியல் காரணம் இருக்கத்தான் செய்கிறது. அதிகாலையில் எழுந்து கோலம் போடும்போது அதிகம் குனிந்தும் நிமிர்ந்தும் வேலை செய்வதால் உடலுக்கு மிகவும் நல்லது. இது ஒரு சிறந்த யோகாசனம் ஆகவும் உள்ளது.

இன்றைய நவீன காலத்தில் பெண்கள் இது போன்ற பாரம்பரிய முறைப்படி கோலம் போடுவது போன்றவற்றை விரும்பினாலும் நிறைய பெண்களுக்கு கோலம் போட தெரிவதில்லை.எனவே நாம் இப்பதிவில் அழகான ரங்கோலி கோலங்கள் (Rangoli Kolam) பார்க்கலாம்.