ஜனவரி 12 வரை பள்ளிகளுக்கு விடுமுறை..! அரசு உத்தரவு..!

கடந்த சில ஆண்டுகளாக பல காலநிலை மாற்றங்களை சந்தித்து வருகிறோம். அதிலும் குறிப்பாக கடந்த ஆண்டு பருவங்கள் மாறி பெய்யும் மழை, பருவங்கள் மாறி ஏற்படும் குளிர் என அந்தந்த பருவங்களில் நிகழவேண்டிய காலநிலைகள் மாறி மாறி ஏற்படுகிறது. இதனால் மக்களின் ஆரோக்கியங்களிலும் பல மாற்றங்கள் ஏற்படுகிறது.

இந்தியாவில் வடமாநிலங்களில் கடந்த சில மாதங்களாக கடும் பனி பொழிவு ஏற்பட்டுள்ளது. இதனால் அந்த மக்களின் இயல்பு வாழ்கை பாதிக்கப்பட்டுள்ளது. குறிப்பாக வாகன ஓட்டிகளுக்கு மிகுந்த சிரமம் ஏற்பட்டுள்ளது. கடும் பனியில் இருந்து தங்களை பாதுகாத்து கொள்வதற்காக மக்கள் தீ மூட்டி குளிர்காய்கின்றனர்.

டெல்லியில் குளிர்கால பள்ளிகளுக்கு விடுமுறை (நேற்று ஜனவரி 8) வரை விடப்பட்டிருந்தது. இந்நிலையில் அங்கு தொடர்ந்து கடும் பனிமூட்டம் நிலவி வருகிறது. இதனால் டெல்லி அரசு நர்சரி முதல் ஐந்தாம் வகுப்பு வரை உள்ள பள்ளிகளுக்கு வரும் ஜனவரி 12 வரை விடுமுறை (Delhi school winter holiday)

அளித்துள்ளது.

இந்நிலையில் டெல்லி கல்வி அமைச்சர் அதிஷி தனது X வலைதளப்பக்கத்தில் அரசு, அரசு உதவிப்பெறும் பள்ளிகள், தனியார் பள்ளிகளிலும் நர்சரி முதல் ஐந்தாம் வகுப்பு வரை உள்ள மாணவர்களுக்கு விடுமுறை (winter vacation for schools in Delhi) விடப்படுவதாக அறிவித்துள்ளார்.

மேலும் படிக்க: 4 நாட்களுக்கு கனமழைக்கு வாய்ப்பு..! வானிலை ஆய்வு மையம் தகவல்..!