பொங்கல் பரிசுத் தொகுப்புடன் ரூ. 1000 அறிவித்தார் முதல்வர்..!

தமிழ் மக்கள் ஒவ்வொரு வருடமும் பொங்கல் பண்டிகையை சிறப்பாக தை முதல் நாள் கொண்டாடுவார்கள். பொங்கல் பண்டிகைக்கு தமிழக அரசு சார்பாக பரிசுத் தொகுப்புகள் மற்றும் ரொக்க பணம் ரேஷன் கடைகள் மூலம் மக்களுக்கு வழங்கப்படும். இந்த வருடமும் பரிசுத் தொகுப்பை தமிழக முதல்வர் அறிவித்துள்ளார்.

தமிழ் மாதங்களில் தை முதல் நாள் தமிழர்களால் பொங்கல் பண்டிகை கொண்டாடப்பட்டு வருகிறது. இந்த பொங்கல் பண்டிகையின் போது அனைவரும் சூரியனையும் உணவு தரும் உழவு அதற்கு உதவும் எருதுகளையும் வணங்கி பொங்கல் வைத்து கொண்டாடுவார்கள்.

தமிழர் கொண்டாடும் இந்த பொங்கல் பண்டிகைக்கு அரசு சார்பாக பரிசு தொகுப்புகள் வழங்கப்படுவது வழக்கமாகவே மாறிவிட்டது. இந்த வருடம் தமிழக அரசு பரிசு தொகுப்பாக 1 கிலோ பச்சரிசி, 1 கிலோ சர்க்கரை மற்றும் 1 முழுக்கரும்பு வழங்கப்படும் என தமிழக அரசு கடந்த ஜனவரி 2 ஆம் தேதி அறிவித்திருந்தது.

இந்த பொங்கல் பரிசு தொகுப்பு அறிவிப்பில் ரொக்க தொகை வழங்கப்படும் என எதுவும் அறிவிக்கப்படாமல் இருந்தது. இதற்கு பல்வேறு அரசியல் கட்சி தலைவர்கள் தரப்பில் இருந்து எதிர்ப்புகள் வந்த நிலையில். இன்று (05.04.2023) பொங்கல் பரிசு தொகுப்புடன் (Pongal Parisu Thoguppu)

ரூபாய் 1000 ம் வழங்கப்படும் என தமிழக முதல்வர் மு.க.ஸ்டாலின் அறிவித்துள்ளார்.

பொங்கல் பண்டிகை வரும் ஜனவரி 15 ஆம் தேதி கொண்டாடப்பட உள்ள நிலையில் இந்த பொங்கல் பரிசு தொகையானது வரும் ஜனவரி 10 ஆம் தேதிக்குள் அனைத்து குடும்ப அட்டைதாரர்களுக்கும் ரேஷன் கடைகள் மூலம் வழங்க தமிழக அரசு சார்பில் அறிவிக்கப்பட்டுள்ளது.

மேலும் படிக்க: பொங்கல் பரிசு தொகுப்பு..! தமிழக அரசுக்கு கோரிக்கை..!