விஜய் டிவியின் ‘குக்கு வித் கோமாளி’ சீசன் 6 விறுவிறுப்பாக ஒளிபரப்பாகி வரும் நிலையில், அதன் நேரடி போட்டி நிகழ்ச்சியாக கருதப்படும் சன் டிவியின் ‘டாப் குக்கு டூப் குக்கு’ இந்தாண்டு திரைக்கு வரும் சந்தேகத்துக்கு அதிகாரபூர்வ விளக்கம் கிடைத்துள்ளது.
கடந்த ஆண்டில் மே மாதம் தொடங்கிய ‘டாப் குக்கு டூப் குக்கு’ நிகழ்ச்சி, அதன் தனித்துவமான ஹியூமர் மற்றும் சமையல் கலாச்சாரத்தால் ரசிகர்களிடையே நல்ல வரவேற்பைப் பெற்றது. ஆனால் இந்த ஆண்டில் இதுவரை எந்த புரமோவுமில்லாமல் அமைதியாக இருப்பதால், “இம்முறை நிகழ்ச்சி நடக்குமா?” என்ற கேள்வி ரசிகர்களிடையே எழத் தொடங்கியுள்ளது.
இதை தெளிவுபடுத்தும் வகையில், நிகழ்ச்சியை தயாரிக்கும் மீடியா மேசன்ஸ் நிறுவனத்தின் பிரதிநிதி ரவூஃபா ஒரு நேர்காணலில் உற்சாகமாக கூறினார்:
“நிச்சயமாக இந்தாண்டும் ‘டாப் குக்கு டூப் குக்கு’ வருகிறது. கடந்த வருடம் மே மாதத்தில்தான் தொடங்கியது. இந்த முறை கொஞ்சம் தாமதம் தான். ‘நானும் ரௌடிதான்’ நிகழ்ச்சி முடிவடைந்த பிறகு தான் ஷோ வரும். ஆனால் தரத்திலும், உள்ளடக்கத்திலும் இந்த சீசன் முன்னேற்றம் நிச்சயம் இருக்கும்!”
இதனால், ரசிகர்கள் கொண்டாடிய முதல் சீசனை விடவும் பெரிதும் மேம்பட்ட ஒரு புதிய சீசன் இந்த ஆண்டின் இரண்டாவது பாதியில் ஒளிபரப்பாகும் என உறுதி செய்யப்பட்டுள்ளது. “நாம யாரையும் போட்டியா நினைக்கல” என்ற இந்த குழுவின் பதில், தமிழ் டிவி உலகில் நிகழ்ச்சிகள் மீது வளர்ந்து வரும் ரசிகர் எதிர்பார்ப்புகள் குறித்து முக்கியமான செய்தியாக பார்க்கப்படுகிறது.
