ராமர் கோவில் கும்பாபிஷேகம்…! உதயநிதி கருத்து..!

உத்திரப் பிரதேசம் மாநிலத்தில் உள்ள அயோத்தியில் ராமர் கோவில் கட்டப்பட்டு வருகிறது. மொத்தம் 1800 கோடி ரூபாய் செலவில் கட்டப்படுகிறது. இக்கோவிலின் மொத்த நிலப்பரப்பு சுமார் 2.7 ஏக்கர் ஆகும். இதில் 57,400 சதுர அடியில் ராமர் கோயில் பிரம்மாண்டமாக கட்டப்பட்டுள்ளது.

இக்கோயிலின் கருவறையில் குழந்தை ராமர் சிலை வைக்கப்பட்டுள்ளது (Ramar Temple Kumbabishekam in Tamil). இந்த குழந்தை ராமர் சிலை ஆனது 8 அடி உயரம், 3 அடி நீளம் மற்றும் 4 அடி அகலம் கொண்டதாகும். மேலும் இந்த ராமர் கோவில் வருகின்ற (Ayothi Ramar Temple Opening Date in Tamil) ஜனவரி மாதம் 22 ஆம் தேதி பகல் 12.20 மணிக்கு குழந்தை ராமர் சிலை பிரதிஷ்டை செய்யப்பட்டு திறக்கப்பட உள்ளது. இந்த கோயில் முழுக்க முழுக்க உள்நாட்டு பாரம்பரிய மற்றும் தொழில்நுட்பங்களை பயன்படுத்தி கட்டப்பட்டுள்ளது.

ராமர் கோவில் திறப்பு விழாவில் இந்திய பிரதமர் நரேந்திர மோடி, உத்தரப் பிரதேச முதல்வர் யோகி ஆதித்யநாத், ஆர்எஸ்எஸ் தலைவர் மோகன் பகவத், மத்திய அமைச்சர்கள், பாஜக ஆளும் மாநில முதல்வர்கள் போன்ற பல முக்கிய பிரமுகர்கள் கலந்து கொள்ள உள்ளனர். மேலும் தொழிலதிபர்கள் மற்றும் பிரபலங்கள் கலந்துகொள்ள உள்ளனர் எனவும் தகவல் வெளியாகி உள்ளது.

இந்நிலையில் அயோத்தி ராமர் கோயில் திறப்பு வருகின்ற லோக்சபா தேர்தலுக்கு பாஜகவின் யுக்தி என்று எதிர்க்கட்சிகள் தெரிவித்து வருகின்றன. இதனால் பெரும்பாலான எதிர்க்கட்சிகள் அயோத்தி ராமர் கோயில் கும்பாபிஷேகத்தில் கலந்து கொள்ள போவதில்லை என தெரிவித்துள்ளனர்.

இந்நிலையில் செய்தியாளர்கள் சந்திப்பில் அமைச்சர் உதயநிதியிடம் ராமர் கோயில் கும்பாபிஷேகத்திற்கு அழைப்பிதழ் வந்துள்ளதா என கேள்வி எழுப்பினார்கள். இதற்கு பதிலளித்த உதயநிதி இதுவரை எங்களுக்கு எந்த அழைப்பிதழும் வரவில்லை என்று தெரிவித்துள்ளார்.

இந்திய கூட்டணியில் உள்ள கட்சிகள் எவரும் பங்கேற்கப்போவதில்லை என தெரிவித்துள்ளனர் என்பது குறிப்பிடத்தக்கது. இதுகுறித்து காங்கிரஸ் கட்சியின் பொதுச்செயலாளர் ஜெய்ராம் ரமேஷ் கூறுகையில் இன்னும் கட்டிமுடிக்கப்படாத கோயிலை பாஜகா மற்றும் ஆர்.எஸ்.எஸ் திறந்து வைப்பது அரசியல் லாபத்திற்காக மட்டும் தான் என தெரிவித்துள்ளது.

இந்திய கூட்டணி அயோத்தி ராமர் கோயில் கும்பாபிஷேகத்தை (Ayothi Ramar Temple Opening Ceremony) புறக்கணித்ததற்கு பாஜக கடும் விமர்சனங்களை செய்து வருகிறது.

மேலும் படிக்க: ராமர் கோவில் திறப்பு விழாவிற்கு வீட்டிற்கு சென்று அழைப்பு..! யாருக்கு தொரியுமா?