Lover OTT Release: மக்கள் மத்தியில் பெரும் வரவேற்பை பெற்ற லவ்வர் படத்தின் ஓடிடி ரிலீஸ் தேதி அறிவிப்பு..!

வளர்ந்து வரும் நடிகர்களில் முக்கிய நடிகர் தான் மணிகண்டன். இவர் தொடர்ந்து வெற்றிப்படங்களில் நடித்து வருகிறார். இவருடைய எதார்த்தமான நடிப்பு பலருக்கும் பிடித்துள்ளது. எனவே இவரது படங்கள் மக்களுக்கு அதிக அளவில் பிடிக்கிறது. இந்நிலையில் தான் இவர் நடிப்பில் சமீபத்தில் வெளியான படம் தான் லவ்வர். இந்த படமும் மக்கள் மத்தியில் அமோக வரவேற்பை பெற்றது என்று தான் கூறவேண்டும்.

அதிலும் குறிப்பாக இளைய தலைமுறையினருக்கு இந்த படம் மிகவும் பிடித்து இருந்தது. இப்படம் வசூல் ரீதியாகவும் வெற்றி பெற்றது. இந்த லவ்வர் படத்தை (Lover Movie) புதுமுக இயக்குனர் பிரபு ராம் இயக்கி இருந்தார். இந்த படத்தில் நடிகர் மணிகண்டன் கதாநாயகனாக நடித்திருந்தார். இப்படத்தில் கதாநாயகியாக கெளரி பிரியா ரெட்டி நாயகியாக நடித்து இருந்தார்.

மேலும் இப்படத்தில் கண்ணா ரவி, சரவணன், கீதா கைலாசம், ஹரிஷ் குமார் உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படத்தை மில்லியன் டாலர் நிறுவனம் தயாரித்துள்ளது. இப்டத்திற்கு சான் ரோல்டன் இசையமைத்துள்ளார். இந்த திரைப்படமானது இன்றைய சமூகத்தில் நிலவும் காதல் நிலவரத்தை எடுத்துரைக்கும் படமாக அமைந்துள்ளது. இந்த காலத்தில் ஆண் பெண் உறவு பற்றிய ஒரு உரையாடலாக இப்படம் இருந்துள்ளது.

இந்த நிலையில் தான் தற்போது இந்த படத்தின் ஓடிடி ரிலீஸ் (Lover Movie OTT Release) பற்றிய முக்கிய அப்டேட் வந்துள்ளது. இதன்படி இந்த லவ்வர் திரைப்படத்தின் ஓடிடி உரிமையை டிஸ்னி பிளஸ் ஹாட்ஸ்டார் நிறுவனம் கைப்பற்றி உள்ளது. மேலும் இப்படம் வரும் மார்ச் 8-ம் தேதி ஓடிடியில் ரிலீஸ் (Lover OTT Release Date) செய்ய உள்ளதாக தகவல்கள் வெளியாகியுள்ளது. இப்படம் திரையரங்குகளில் நல்ல வரவேற்பை பெற்றது எனவே ஓடிடி-யிலும் (Lover Tamil Movie OTT Release) இப்படம் நல்ல வரவேற்பை பெறும் என்று எதிர்பார்க்கப்படுகிறது.