புதிய சாதனையை படைத்தார் விராட் கோலி..!

இந்திய கிரிக்கெட் அணியின் முக்கிய வீரர் மற்றும் முன்னாள் கேப்டன் தான் விராட் கோலி. இவர் பல வருடங்களாக இந்திய அணிக்காக விளையாடி வருகிறார். மேலும் பல சீசன்களாக ஐபிஎல் போட்டிகளிலும் விளையாடி வருகிறார். இந்நிலையில் இந்த ஆண்டிற்கான ஐபிஎல் போட்டிகள் தொடங்கி நடைபெற்று வருகிறது.

இந்நிலையில் தான் நேற்று பஞ்சாப் மற்றும் பெங்களூரு அணிகளுக்கு இடையேயான போட்டி நடைபெற்றது. இந்த போட்டியில் கோலி தனது சிறந்த ஆட்டத்தை வெளிப்படுத்தினார். இப்போட்டியில் முதலில் டாஸ் வென்ற பெங்களூரு அணி பீல்டிங்கை தேர்வு செய்தது. இதன் காரணமாக பஞ்சாப் அணி முதலில் பேட்டிங் செய்தது.

ஆர்சிபி அணி ஆரம்பம் முதலே ஆதிக்கம் செலுத்தி வந்தது. இந்நிலையில் அணியின் முக்கிய வீரரான விராட் கோலி தனது சிறந்த விளையாட்டை வெளிப்படுத்தினார். மேலும் இவரது இந்த சிறந்த விளையாட்டின் மூலம் புதிய சாதனை ஒன்றையும் அவர் இப்போட்டியில் படைத்துள்ளார்.

நேற்றைய போட்டியில் பஞ்சாப் வீரர் பேஸ்ட்ரோவின் கேட்சை விராட் கோலி பிடித்தார். இந்த கேட்சின் மூலம் ஐபிஎல் மற்றும் சர்வதேச டி20 போட்டிகளில் அதிக கேட்ச்களை பிடித்த இந்திய வீரர் என்ற சாதனையையும் அவர் படைத்துள்ளார். மேலும் இதற்கு முன்னர் இந்திய அணியின் முன்னாள் வீரரான சுரேஷ் ரைனா 172 கேட்சுகளை பிடித்து முதலிடத்தில் இருந்தார்.

ஆனால் தற்போது விராட் கோலி 173 கேட்சுகளை பிடித்து சுரேஷ் ரைனாவை இரண்டாவது இடத்திற்கு தள்ளி முதலிடத்தில் உள்ளார் மேலும் இந்திய அணியின் தற்போதைக கேப்டனான ரோகித் ஷர்மா 167 கேட்சுகளுடன் மூன்றாவது இடத்தில் உள்ளார் என்பது குறிப்பிடத்தக்கது.